കൊച്ചി : കളമശ്ശേരി കുസാറ്റിൽ  4 പേരുടെ മരണത്തിനിടയാക്കിയ അപ്രതീക്ഷിത ദുരന്തം നടന്ന  ഓപ്പൺ എയർഓഡിറ്റോറിയത്തിന്റെ പ്രധാന കവാടത്തിന്റെ താക്കോൽ 2 മാസമായി ക്യാംപസിലെ വിദ്യാർഥിസംഘടനാ നേതാവിന്റെ കൈവശമെന്ന് റിപ്പോർട്ട്.2 മാസം മുൻപ് വിദ്യാർഥി യൂണിയന്റെ പരിപാടിക്കെന്ന പേരിൽ വിദ്യാർഥി നേതാവ് വാങ്ങിയ താക്കോൽ പിന്നീട്  തിരികെ നൽകിയില്ല.ധിഷ്ണ ടെക്ഫെസ്റ്റിനായി 2 ദിവസത്തേയ്ക്കു സ്കൂൾ ഓഫ് എൻജിനീയറിങ് വിദ്യാർഥികൾ ഓഡിറ്റോറിയം ബുക്ക് ചെയ്തിരുന്നുവെങ്കിലും ഇവർക്ക് താക്കോൽ നൽകിയിരുന്നില്ല.എന്നാൽ വിദ്യാർഥികൾ എത്തുമ്പോൾ ഓഡിറ്റോറിയത്തിന്റെ പ്രധാന കവാടം തുറന്നിടുകയും മറ്റു 4 ഗേയ്റ്റുകൾ അടച്ചുപൂട്ടിയ നിലയിലുമായിരുന്നു. ഇതു പക്ഷേ ആരുടേയും ശ്രദ്ധയിൽപ്പെട്ടിരുന്നില്ല.

എന്നാൽ ദുരന്തം നടന്നതിനു ശേഷം  അന്വേഷണം നടത്തിയപ്പോഴാണ് താക്കോൽ റജിസ്ട്രാർ ഓഫിസിലോ ടെക്ഫെസ്റ്റ് നടത്തിയവരുടെ പക്കലോ ഇല്ലെന്ന് വ്യക്തമായത്.

അപ്പോൾ പിന്നെ താക്കോൽ എവിടെ എന്ന അന്വേഷണത്തിലാണ്, 2 മാസമായി വിദ്യാർഥി നേതാവിന്റെ കയ്യിൽ തന്നെയെന്ന് വ്യക്തമായത്.